Wrth y bwrdd

Sut mae bwyta’n gwrtais wrth y bwrdd?

1. Cymru

Bwytwch yn dawel a bwytwch bopeth ar y plât.

2. Mexico

Defnyddiwch y gyllell yn y llaw dde a’r fforc yn y llaw chwith. Peidiwch defnyddio’r gyllell yn y llaw chwith a’r fforc yn y llaw dde.

3.Norwy

Defnyddiwch gyllell a fforc i fwyta popeth – brechdanau hefyd.

4. Ffrainc

Peidiwch defnyddio cyllell i dorri’r bara ar eich plât chi. Torrwch y bara yn eich dwylo chi.

5. Portiwgal 

Peidiwch gofyn am bupur a halen. Mae’n anghwrtais achos mae’n dweud, “Dydy’r bwyd ddim yn flasus.”

6. Yr Aifft 

Peidiwch bwyta popeth ar y plât. Mae bwyta popeth yn dweud, “Dw i eisiau mwy os gwelwch yn dda.”

7. Twrci

Mae torri gwynt ar ôl bwyta yn gwrtais – mae’n dweud, “Dw i wedi mwynhau’r bwyd, diolch yn fawr.”

8. India

Golchwch eich dwylo a’ch ceg chi cyn bwyta. Defnyddiwch eich llaw dde i fwyta – dim y llaw chwith achos mae’r llaw chwith yn frwnt neu’n fudr. Llyfwch eich bysedd i ddangos, “Dw i wedi mwynhau’r bwyd.”

9. Gwlad Thai

Peidiwch defnyddio’r fforc i roi'r bwyd yn eich ceg chi. Defnyddiwch y fforc i roi’r bwyd ar y llwy a rhowch y llwy yn eich ceg chi.

10. China

Mae torri gwynt ar ôl bwyta yn gwrtais – mae’n dweud, “Dw i wedi mwynhau’r bwyd.” Peidiwch rhoi chopsticks i sefyll yn y bowlen.

Ffotograff gan Charles Dyer wedi'i drwyddedu o dan CC BY

11. Japan

Bwytwch bopeth ar y plat. Mae’n dweud, “Dw i wedi mwynhau’r bwyd.” Gwnewch sŵn slurp pan rydych chi’n bwyta sŵp neu nwdls. Mae’n dweud, “Dw i’n mwynhau’r bwyd.”

 

Help