Beth sy yn y bocs?

Noswaith dda. Croeso i raglen newydd ar y teledu – BETH sy yn y bocs? 

Yn y rhaglen yma, rhaid dyfalu beth sy yn y bocs … ac yna bydd arbenigwr yn siarad am y peth. 

Casi Davies ydw i ond pwy ydy’r arbenigwr heno?

Wel, dyma’r arbenigwr heno, Mr Peregrine Pryce.

Croeso, Mr Pryce.

Diolch.

Pwy sy’n mynd i ofyn … BETH sy yn y bocs?

Wel …

Rhowch groeso i Mrs Annie Jones.

Croeso i chi, Annie.

Diolch.

Yn gyntaf … pwy ydych chi, Annie?

Wel, dw i’n byw yn Llanelli a dw i’n gweithio mewn siop.

Diolch, Annie. Pwy arall sy’n mynd i ofyn …. BETH sy yn y bocs?

Wel … Dyma Carwyn Claude Crawford …

Rhowch groeso i Carwyn Claude Crawford.

Diolch … Diolch … Diolch i chi. Diolch yn fawr iawn.

Pwy ydych chi, Carwyn?

Carwyn Claude Crawford ydw i a dw i’n byw yn Aberystwyth ... Dw i’n hoffi byw yn Aberystwyth – mae’n wych.

Dw i’n hoff iawn o rygbi … Dw i’n hoffi rygbi yn fawr iawn ... Mae rygbi’n wych … yn hwyl … yn ffantastig … yn fendigedig. Dw i wrth fy modd yn gwylio rygbi … a dw i wrth fy modd yn coginio hefyd. Dw i’n hoffi chwilio am drysor hefyd a …

Hm hm.

O, mmm, iawn …

Reit – beth am chwarae’r gêm?

Syniad da.

Iawn … Annie … dechreuwch chi.

Diolch.

BETH sy yn y bocs, Carwyn?

Llyfr?

Arhoswch, Carwyn. Mae Annie’n mynd i roi cliwiau i chi.

O … cliwiau … gwych!

Iawn, Carwyn … BETH sy yn y bocs?

Un. Mae e’n frown.

Esgid?

Arhoswch, Carwyn. Mae Annie yn mynd i roi PUM cliw i chi.

PUM cliw?!?!? O, gwych.

Iawn, Carwyn … BETH sy yn y bocs?

Un: Mae e’n frown.

Dau: mae dwy goes gyda fe.

Tri: mae dwy fraich gyda fe.

Pedwar: Mae dau lygad gyda fe.

Pump: Mae un glust gyda fe.

Eh?!?!? O, Mae’n ddrwg gen i – PARDWN!

Felly, dyma’r cliwiau, Carwyn.

Un: Mae o’n frown.

Dau: mae ganddo fo ddwy goes.

Tri: mae ganddo fo ddwy fraich.

Pedwar: Mae ganddo fo ddau lygad.

Pump: Mae ganddo fo un glust.

Felly, Carwyn – BETH sy yn y bocs?

Mmm – BETH sy yn y bocs?

Wel, Carwyn, BETH sy yn y bocs?

Dw i ddim yn gwybod. Ci bach?

Ci bach – gydag un glust?!?!?

Wel ...

Annie, BETH sy yn y bocs?

Tedi bêr.

O, wrth gwrs … ! Tedi bêr.

Da iawn, Annie. Dim pwyntiau i chi, Carwyn – ond pum pwynt i Annie.

Ond ...

Rŵan – beth ydy barn yr arbenigwr?

Mae’r tedi bêr yma’n hen iawn. Mae e’n hyfryd. Edrychwch, mae’r breichiau’n symud. Mae’r coesau’n symud - ond dydy’r pen ddim yn symud.

Mae’r tedi bêr yn dod o’r Almaen.

Bobl bach, mae’r tedi bêr yn dod o’r Almaen!

Gwelais i’r tedi bêr mewn siop hen bethau ac felly, es i i mewn ac yna prynais i fe.

O, faint oedd e?

Talais i wyth punt.

Faint?

Talais i wyth punt.

Pryd?

Yn un naw naw naw.

Bobl bach! Heddiw, mae’r tedi bêr yma’n werth saith deg punt.

Faint?

Saith deg punt.

Waw - gwych! ANHYGOEL! Diolch yn fawr.

Rŵan, eich tro chi, Carwyn.

Da ra! BETH sy yn y bocs? …

BETH sy yn y bocs? …

Carwyn, rhaid i chi roi pum cliw i Annie.

O, mmm, iawn.

Wel,

Un: Mae e’n wyn ac yn goch.

Dau: Dw i’n gwisgo’r peth yma i wylio rygbi.

Tri: Gwisgais i’r peth yma yn y gêm rhwng Cymru a Ffrainc.

Pedwar: Prynais i’r peth yma ar y we.

Pump: Talais i wyth punt naw deg naw am y peth yma – bargen!

Diolch, Carwyn.

Iawn, Annie, dyma’r cliwiau i chi.

Un: Mae o’n wyn ac yn goch.

Dau: Mae Carwyn yn gwisgo’r peth yma i wylio rygbi.

Tri: Gwisgodd Carwyn y peth yma yn y gêm rhwng Cymru a Ffrainc.

Pedwar: Prynodd Carwyn y peth yma ar y we.

Pump: Talodd Carwyn wyth punt naw deg naw am y peth yma.

Felly, Annie - BETH sy yn y bocs?

Wel, Annie, BETH sy yn y bocs?

Mmm … sgarff rygbi?

Carwyn, BETH sy yn y bocs?

Sgarff rygbi! Da ra.

Da iawn, Annie. Pum pwynt arall i chi – ond dim pwyntiau i Carwyn.

OND ...

Rŵan – beth ydy barn yr arbenigwr?

Mmm – diolch yn fawr. Ych a fi!

Ych a fi???

Iawn … sgarff goch a gwyn … mmm – sgarff rygbi goch a gwyn.

Prynais i’r sgarff ar y we.

O, faint daloch chi am y sgarff?

Wyth punt naw deg naw.

Faint?

Wyth punt naw deg naw.

Pryd?

O, dw i ddim yn siŵr, yn un naw naw naw efallai. 

Faint ydy gwerth y sgarff heddiw?

Dwy geiniog.

Dwy geiniog?!?!?!?

Mr Crawford …

Claude …

Claude, mae’r sgarff yn frwnt – yn fudr – mae’r sgarff yn drewi. Mae’r sgarff yn ofnadwy.

Ond ...

Wel, dyna ddiwedd y rhaglen.

Cofiwch – wythnos i heno, am wyth o’r gloch, rhaglen arall o BETH sy yn y bocs – Hwyl fawr!