Beth sy’n bod?
Problem!
Zena:
Catrin:
O, dw i’n teimlo’n sâl.
Zena:
Pam? Beth sy’n bod?
Catrin:
Edrycha ar y llun yma ar y ffôn.
Zena:
Pwy ydy hi?
Catrin:
Fi.
Zena:
Ti?
Catrin:
Ie, fi.
Zena:
Ond ...
Catrin:
Mae’r llun yn hen.
Zena:
Hen?
Catrin:
Wel, chwe mis.
Zena:
Ond rwyt ti’n edrych yn dew yn y llun yma – ac mae’r wisg nofio’n rhy fach. Mae’r llun yn ofnadwy.
Catrin:
Ydy, dw i’n gwybod.
Zena:
Rwyt ti wedi colli pwysau ers tynnu’r llun yma.
Catrin:
Ydw. Dw i wedi colli stôn.
Zena:
Ond pam mae’r llun yma ar dy ffôn di?
Catrin:
Dw i ddim yn gwybod.
Zena:
Pwy sy wedi anfon y llun?
Catrin:
Dw i ddim yn gwybod.
Mae grŵp o bobl ifanc yn cerdded allan o’r parti. Maen nhw’n edrych ar ffôn Josh ac maen nhw’n chwerthin. Mae Josh yn pwyntio at Catrin ac mae o’n sibrwd.
Josh:
Sh – bydd hi’n clywed. Mae hi’n sefyll yn y gornel gyda Zena.
Yna, mae Catrin yn cael tecst arall.
Catrin:
O na!
Zena:
Beth sy’n bod? Oes llun arall?
Catrin:
Nac oes, does dim llun arall – ond mae tecst ofnadwy yma.
Zena:
Beth mae’r tecst yn dweud?
Catrin:
Dw i ddim eisiau dweud – mae’n rhy ofnadwy.
Zena:
Pwy sy wedi anfon y tecst?
Catrin:
Dw i ddim yn gwybod.
Yna, mae Catrin yn cael tecst arall. Dydy hi ddim yn edrych ar y tecst yma.
Catrin:
Dw i’n mynd.
Zena:
Ond Catrin – y parti.
Catrin:
Na, dw i’n mynd ...
Mae hi’n rhedeg allan o’r ardd ac i lawr y stryd.
Help
| Geirfa | |
| yr ardd | the garden |
| llun | picture, photograph |
| gwisg nofio | swimsuit |
| ers tynnu’r llun | since the picture was taken |
| wedi colli | have lost |
| wedi anfon | has sent |
| ifanc | young |
| sibrwd | to whisper |
