Pa flwyddyn?

Edrychwch ar y blynyddoedd yma. Beth ydy’r blynyddoedd yma yn Gymraeg?

Ewch i Tasg 1.

 

 

Defnyddiwch y blynyddoedd yma i ateb y cwestiynau isod.

 

Dechreuodd Facebook.

Pa flwyddyn?

 

Daeth y ffilm Harry Potter and the Philosopher’s Stone i sinemâu Prydain.

Pa flwyddyn?

 

Mileniwm newydd

 

Dechreuodd y mileniwm newydd. Roedd llawer o bartïon. Roedd llawer o dân gwyllt. Roedd llawer o hwyl.

Pa flwyddyn?

 

Laika

 

Aeth ci o’r enw Laika i’r gofod mewn roced o’r enw Sputnik 2.

Pa flwyddyn?

 

Apollo

Aeth tri dyn – Neil Armstrong, Buzz Aldrin a Michael Collins – i’r Lleuad. Teithion nhw yn Apollo 11.

Cerddodd Neil Armstrong ar y Lleuad ac yna cerddodd Buzz Aldrin ar y Lleuad. Roedd Michael Collins yn teithio o gwmpas y Lleuad.

Pa flwyddyn?

 

Y Titanic

Roedd y Titanic yn llong fawr, grand ac roedd hi’n mynd i Efrog Newydd yn America.

Gadawodd hi Belfast am wyth o’r gloch ar 2 Ebrill. Teithiodd hi i Southampton.

Cyrhaeddodd hi Southampton ar 3 Ebrill. Yna, gadawodd hi Southampton ganol dydd ar 10 Ebrill.

Teithiodd hi am bum diwrnod ond yna, ar 15 Ebrill, aeth hi o dan y môr.

Pa flwyddyn?

 

Guto Ffowc

Roedd Guto Ffowc yn Babydd ac roedd e eisiau lladd James 1, y brenin. Triodd Guto Ffowc ladd James.

Pa flwyddyn?

 

The Beatles

Roedd pedwar dyn yn canu yn The Beatles – Ringo Starr, Paul McCartney, John Lennon a George Harrison. Roedden nhw’n dod o Lerpwl ac roedden nhw’n enwog iawn, iawn. Roedden nhw’n rhif un yn y siartiau gyda She Loves You yn y flwyddyn yma. Roedd y gân yma’n rhif un am chwe wythnos.

Pa flwyddyn?

 

Y Gemau Olympaidd

 

Dechreuodd y Gemau Olympaidd yn 776 C.C. yn Olympia, Groeg. I ddechrau, roedd dynion (dim merched!) yn rhedeg. Yna, ar ôl peth amser, roedden nhw’n rhedeg, reslo, bocsio, neidio, taflu a rasio cerbydau rhyfel.  

 

Ond dechreuodd y Gemau Olympaidd modern yn Athens. Roedd dynion (dim merched!) yn beicio, gwneud athletau, gymnasteg a saethyddiaeth, rhedeg, neidio, taflu, hwylio, saethu, chwarae tennis, codi pwysau a reslo.

Pa flwyddyn?

 

 

Daeth y Gemau Olympaidd i Lundain.

Pa flwyddyn?

Help