Eleni ...

30 Mawrth, 2016

Medi:

Dechreuais i chwarae yn y band yn yr ysgol achos dw i’n mwynhau chwarae’r drymiau (ac mae Jo yn canu’r ffliwt! Dw i’n hoffi Jo!)

Hydref:

Aeth Matt, Paul, Bex, Assha a fi i gig yn y parc ond roedd hi’n ddiflas iawn achos roedd hi’n bwrw glaw.

Tachwedd:

Yn yr ysgol, helpais i i godi arian at Blant mewn Angen. Gwisgais i wisg ffansi a rhedais i o gwmpas y cae.

Es i i weld Rali GB gyda Jordan.

Rhagfyr:

Es i i barti Nadolig yn yr ysgol ar Ragfyr 18. Roedd e’n hwyl achos roedd y bwyd yn flasus iawn ac roedd y gerddoriaeth yn wych. Dawnsiais i gyda Jo – noson grêt!

Ionawr:

Ces i gerdyn Santes Dwynwen oddi wrth rywun yn y dosbarth. Dw i ddim yn gwybod pwy! (Jo efallai? Gobeithio!)

Chwefror:

Fy mhen-blwydd.

Ces i syrpreis gwych – tocynnau i fynd i’r O2 yn Llundain gyda Dad i weld y nitro circus.

Gwelais i bobl yn gwneud styntiau ar eu beiciau. Roedden nhw’n anhygoel!

Mawrth:

Dydd Gŵyl Dewi – bwyton ni fwyd o Gymru yn y wers Gymraeg. Dydd San Padrig – gwisgon ni ddillad gwyrdd i’r ysgol. Roedd y Pennaeth yn edrych yn cŵl iawn mewn sbectol haul! 

Ebrill:

Bwytais i lawer o wyau Pasg – gormod o wyau Pasg!

Mai:

Es i i’r penwythnos Fictoraidd yn Llandudno. Roedd llawer o bobl yn gwisgo hen ddillad ac roedd hen ffair yn y dref.  Roedd e’n hwyl.

Mehefin:

Es i i Eisteddfod yr Urdd achos roeddwn i’n chwarae’r drymiau yn y band.  Roedd y band yn ardderchog a bod yn onest ond enillon ni ddim. Dim ots – y flwyddyn nesa efallai ...