Chwarae o dan y dŵr

Ydych chi’n hoffi chwarae hoci?

Wel, beth am chwarae Octopush – hoci o dan y dŵr?

Helo, David, Tomos, Lewis a Rhys ydyn ni.  Rydyn ni’n byw yn Sir Benfro ac rydyn ni’n mynd i Ysgol y Preseli, Crymych, Sir Benfro.

Rydyn ni’n hoffi nofio.

Rydyn ni’n hoffi chwarae hoci.

Rydyn ni’n hoffi chwarae hoci – o dan y dŵr.

Rydyn ni’n chwarae dros dîm Hwlffordd.

Rydyn ni’n ymarfer bob nos Wener

Rydyn ni’n chwarae gêm bob mis.

Mae hoci o dan y dŵr yn hwyl!

 

I CHWARAE …

Rhaid cael:

• ffon hoci
• cnap (mae metel yn y cnap)
• dwy gôl o dan y dŵr

 

Rhaid gwisgo:

• snorcel
• maneg wedi padio
• fins rwber
• mwgwd
• gwisg nofio neu siorts nofio (wrth gwrs!)

 

 

Sut i chwarae:

Mae dau dîm o 6 yn chwarae. Mae un tîm yn chwarae gyda ffon hoci ddu ac mae’r tîm arall yn chwarae gyda ffon hoci wen. Rydyn ni’n chwarae o dan y dŵr – ar lawr y pwll nofio.

 

Rydyn ni’n deifio i mewn i’r dŵr ac rydyn ni’n trio sgorio goliau. Rydyn ni’n taro’r cnap gyda’r ffon hoci ac rydyn ni’n pasio’r cnap i’r tîm. Weithiau, rydyn ni’n taclo’r tîm arall.

 

Mae’n bwysig gweithio fel tim.

Rydyn ni’n dod allan o’r dŵr i anadlu, wrth gwrs.

Mae’n hwyl. Mae’n gyffrous! Mae’n wych!

 

Help