Sut ydych chi’n teimlo?

Ymlacio ar draws y byd (2)

Mae llawer o bobl yn gweithio’n galed ac maen nhw’n blino. Weithiau, mae pobl o dan straen. Weithiau, maen nhw’n teimlo’n ddiflas.

Maen nhw eisiau teimlo’n well, felly beth maen nhw’n wneud? Sut maen nhw’n ymlacio?

Edrychwch ar y sioe sleidiau yma.

Maen nhw’n chwerthin. Maen nhw’n gwneud ioga chwerthin.

Beth sy’n digwydd?

Mae’r bobl yn mynd i’r parc, neu i’r traeth, neu i neuadd, neu i ganolfan hamdden – unrhyw le – ac maen nhw’n chwerthin ... chwerthin ... chwerthin.

Ydy hyn yn dda?

Ydy, mae chwerthin yn dda iawn i chi. Mae’n helpu gyda phwysau gwaed ac mae’n gwneud i chi deimlo’n dda.

Ioga chwerthin

Dechreuodd ioga chwerthin yn Mumbai, India, yn yr 1990au.
Daeth 5 person i’r parc yn y bore i chwerthin.
Cyn bo hir, roedd mwy ... a mwy ... a mwy o bobl yn dod i’r parc yn y bore i chwerthin.
Cyn bo hir, roedd pobl yn gwneud ioga chwerthin ar draws India – ac yna mewn gwledydd eraill.
Heddiw, mae dros 6,000 o glybiau yn gwneud ioga chwerthin ar draws y byd.

Help