Cerddorol?

Helo.

Mae’r daith i’r Almaen yn wych ac rydyn ni wedi teithio llawer. Rydyn ni yn Dresden nawr am dri diwrnod. Rydyn ni’n cael amser gwych yma! Mae’r dref yn fodern iawn ac mae pethau diddorol iawn yma.

Roedd hi’n bwrw glaw ddoe ac felly aethon ni i weld y tŷ sy’n canu. Mae’r tŷ’n dal. Mae e’n las gyda ffenestri glas. Mae e’n ddiddorol iawn achos mae peipiau ar y waliau. Pan mae hi’n bwrw glaw, mae’r dŵr yn rhedeg drwy’r peipiau ac felly maen nhw’n gwneud “cerddoriaeth” arbennig. Dyna pam mae pobl yn galw’r tŷ, “y tŷ sy’n canu”.

Diolch am y bisgedi a’r siocledi. Roedd pawb yn eu hoffi nhw.

Wela i di wythnos nesaf.

Chris

Mrs Nina Jones

6 Y Stryd Fawr

Aberaeron

Ceredigion