Cyflym!

Lluniau: Ben Lovell

Enw:	Ben Lovell
Byw:	Llanelwy
Oed:	22
Diddordebau:	Cadw’n heini, chwaraeon
Prif ddiddordeb:	Rasio i lawr bryn ar gefn beic
Safle:	2015: 1af yng Nghymru; 7fed ym Mhrydain 2012: 1af yng Nghymru

Beth ydy rasio i lawr bryn ar gefn beic?

Wel, rhaid rasio i lawr bryn ar gefn beic?. Mewn ras, mae pawb yn rasio ar eu pen eu hunain. Y person i orffen y cwrs yn yr amser cyflymaf sy’n ennill.

 

Disgrifiwch rasio i lawr bryn ar gefn beic.

Hwyl! Cyffrous!  Cyflym –  tua 60km – 70 km yr awr

 

Disgrifiwch drac.

Serth! Garw! Cerrig, coed a mwd.

 

Ydy o’n beryglus?

Ydy – yn beryglus iawn. Dw i wedi torri fy ngarddwrn a fy nghefn.

 

Beth ydych chi’n gwisgo?

Dw i’n gwisgo helmed dros fy wyneb, gogls, padiau ar y pengliniau, padiau ar y penelinoedd a back protector.

 

Beth ydy’r categorïau?

Mae categori o dan 12 oed, o dan 14 oed, o dan 16 oed ac o dan 18 oed.

Ar ôl 18 oed, mae’r categorïau yma:

Elite – dyna ble dw i’n rasio

Arbenigwr (Expert)

Meistr (Master)

Uwch (Senior)

Vectrin ar gyfer pobl dros 40 oed.

 

Oes llawer o draciau yng Nghymru?

Oes, mae llawer o draciau da iawn yng Nghymru, e.e. Cwm Carn a Bike Park Wales yn Ne Cymru, Antur Stiniog, Revolution Bike Park a Llangollen yng Ngogledd Cymru. Mae traciau ardderchog yng Nghymru achos mae llawer o fynyddoedd yma.

 

Pa un ydy’r trac mwya anodd?

Fort William, yn yr Alban. Dyna’r trac mwya anodd.

 

Sut ydych chi’n paratoi?

Dw i’n mynd allan ar y beic bob wythnos. Dw i'n beicio i lawr bryn bob penwythnos. Dw i’n mynd i’r ganolfan hamdden i godi pwysau achos rhaid bod yn heini iawn i rasio lawr bryn.

 

Beth ydych chi’n bwyta i baratoi ar gyfer ras?

Llawer o garbohydradau, e.e. pasta, a dw i’n bwyta bananas a jelly babies ar ddiwrnod ras.

 

Ydy’r beic yn debyg i feic cyffredin?

Rhaid cael beic cryf – llawer cryfach na beic cyffredin. Rhaid cael teiars cryfach – mae gwahanol fathau o deiars a rhaid penderfynu ar y teiars ar y diwrnod. Dw i’n cario llawer o deiars yn y fan.

 

Pa fath o berson sy’n dda am rasio i lawr bryn ar gefn beic?

Person heini – rhaid bod yn heini iawn. Os dydych chi ddim yn heini, dydych chi ddim yn mynd i orffen y ras. Os dydych chi ddim yn heini, mae’ch ymennydd chi’n araf ac rydych chi’n gwneud camgymeriadau.

 

Pryd ydych chi’n rasio?

Rhwng mis Mawrth a mis Hydref.

Geirfa
Edrychwch