Digidol neu analog?

Beth sy orau?

• Darllen nofel ar dabled neu mewn llyfr papur?
• Gwrando ar gerddoriaeth ar-lein, neu ar record finyl?
• Tynnu llun efo camera digidol neu gamera Polaroid?
• Ysgrifennu nodiadau ar y cyfrifiadur neu ar bapur?
• Chwarae gemau cyfrifiadur neu gemau bwrdd fel Monopoly?
• Cyfarfod ar-lein neu gyfarfod go iawn efo pobl?

Mae technoleg yn bwysig iawn heddiw, ond dydy pawb ddim yn hoffi pethau digidol.

• Mae llawer o bobl yn mwynhau teimlo llyfr.
• Maen nhw’n meddwl bod cerddoriaeth ar record finyl yn fwy emosiynol.
• Mae rhai pobl yn mwynhau gweld y llun yn dod allan o’r camera Polaroid.
• Mae rhai pobl yn gallu meddwl yn well pan maen nhw’n ysgrifennu ar bapur.
• Pan maen nhw’n chwarae gemau bwrdd, mae rhai pobl yn hoffi chwarae efo pobl eraill achos maen nhw’n siarad ac yn mwynhau eu cwmni nhw.
• Mae llawer o bobl yn hoffi siarad â phobl wyneb-yn-wyneb. Maen nhw’n hoffi trafod, cytuno ac anghytuno mewn cyfarfod go iawn.

Pwy sy’n teimlo fel hyn?

Hen bobl?

Pobl ganol oed?

Rhai, wrth gwrs, ond mae llawer o bobl ifanc yn teimlo fel hyn heddiw hefyd!