Y trip

I fyny … i fyny … yn araf … yn araf ac yna, yn sydyn – i lawr yn gyflym. Sblash!

Ble ydyn ni?             

Wel, yn Oakwood, Sir Benfro, wrth gwrs.

Os ydych chi’n hoffi mynd ar reidiau a chael hwyl, dewch i Oakwood!

Ble ydyn ni nawr?

Rydyn ni ar gwrs beicio mynydd ym Mrechfa, Sir Gaerfyrddin.

Mae’r cwrs yn ddiddorol iawn …

… drwy’r wlad …

… drwy’r goedwig.

Mae beicio mynydd yn llawer o hwyl!

Ydych chi’n hoffi cael antur?...  Wel, dewch i Lechwedd … yng Ngwynedd.

Mae’n lle da i fownsio.

Mae’n lle da iawn i fownsio … a neidio … a chael hwyl – llawer o hwyl… gyda ffrindiau.

Neu beth am fynd i Zip World yn Llechwedd a Bethesda, yng Ngwynedd?

Edrychwch. Mae’r bobl yma’n gwisgo dillad coch arbennig ac maen nhw’n zipio ar y wifren wib.

Mae'r wifren wib yn hir iawn.

Mae hi’n uchel iawn hefyd.

Mae’r wifren wib yn mynd dros hen chwareli llechi.

Mae zipio ar y wifren wib yn gyffrous iawn.

Mae'n gyffrous iawn iawn. Mae’n ffantastig! Mae’n hwyl!

Merch: Gwych!