Gŵyl gerddoriaeth grêt!

Es i i Tafwyl yn yr haf ac roedd e’n wych. Nawr, dw i eisiau clywed mwy o fandiau Cymraeg.

Tafwyl? Beth ydy Tafwyl?

Gŵyl Gymraeg yng Nghastell Caerdydd. 

Gŵyl Gymraeg?!?!?!? Diflas dw i’n meddwl!

Dim o gwbl.

Oedd “Welsh cakes” yno?

Welais i ddim pice ar y maen.

Oedd cawl cennin yno?

Welais i ddim cawl cennin.

Beth am gennin Pedr?

Welais i ddim cennin Pedr.

Beth oedd yno ’te?

Wel, roedd llawer o fandiau Cymraeg yn perfformio – roedden nhw’n wych.

Bandiau Cymraeg?

Bandiau Cymraeg!

Mae llawer o fandiau Cymraeg gwych o gwmpas.

Er enghraifft?

Dw i’n hoffi Anelog.

Pwy?

Anelog. Os wyt ti eisiau clywed Anelog yn canu, clicia yma: https://soundcloud.com/anelog

Gwranda ar y gân “Siabod”. Mae’r gerddoriaeth yn ddiddorol – mae’r sŵn yn wahanol – mae’r offerynnau’n wych ac maen nhw’n canu’n dda hefyd.

Mae’n well gyda fi fand o’r enw Y Bandana.  Os wyt ti eisiau clywed Y Bandana’n canu, clicia yma: https://www.youtube.com/watch?v=PRoOwxWstVY

Mae’r geiriau ar y sgrin hefyd felly mae hynny’n help mawr. Maen nhw’n canu’n ardderchog.

Fy hoff gân i ydy “Coffi Du” gan Gwibdaith Hen Frân. Clicia yma: https://www.youtube.com/watch?v=N5ZHRYVBGok

i glywed y gân ac i weld y geiriau – ac i ganu gyda nhw.

Canu gyda nhw – yn Gymraeg? Dw i ddim yn meddwl.

Pam lai? Mae bandiau Cymraeg gwych o gwmpas heddiw.

Dw i’n cytuno – mae bandiau ardderchog yn canu yn Gymraeg. Os wyt ti eisiau clywed mwy, beth am wrando ar raglen C2 ar Radio Cymru.

Iawn!