A dyma ni – rhaglen arall o Beth wyt ti’n goginio? Heno, mae dyn o Aberystwyth yn mynd i goginio swper bendigedig ac mae dau gogydd enwog yn mynd i flasu’r bwyd.
Dyma Pierre Legrande o dŷ bwyta pum seren Chez Pierre.
Beth wyt ti’n goginio?
Rydych chi’n mynd i wylio ffilm. Dyma ychydig o help i chi, os ydych chi eisiau help.
Help|
Geirfa |
|
| blasu | to taste |
| blas | taste |
| anhygoel | incredible, amazing |
| beirniad | adjudicator |
| cogydd | chef, cook |
| olew olewydd | olive oil |
Loading the player...
Llais:
PL:
Dw i eisiau gweld bwyd cyffrous. Dw i eisiau bwyd gyda blas anhygoel.
Llais:
A dyma’r beirniad arall - Domenico Alessandro Tomaso Constantino Giovanni Salvatorio Capricelli o dŷ bwyta pum seren Casa Domenico ...
DATC:
Dw i eisiau gweld bwyd cyffrous hefyd – bwyd blasus.
Llais
A dyma’r cogydd heno …
Dyma Carwyn Claude Crawford o Aberystwyth.
CCC:
Ogi … Ogi .. Ogi … Oi … Oi … Oi!
Ogi … Oi! Ogi ... Oi! Ogi ... Ogi .. Ogi ... Oi! Oi! Oi!!
Na? O … wel. Noswaith dda. Carwyn Claude Crawford ydw i a dw i’n byw yn Aberystwyth. Dw i’n hoffi byw yn Aberystwyth – mae’n wych.
Dw i’n hoff iawn o rygbi. Dw i’n hoffi rygbi yn fawr iawn. Mae rygbi’n wych … yn hwyl … yn ffantastig … yn fendigedig. Dw i wrth fy modd yn gwylio rygbi … a …
… dw i wrth fy modd yn coginio.
DATC:
A beth ydych chi’n mynd i wneud i ni heno?
CCC:
Bwyd o Gymru … ac o’r Eidal …
PL:
Buonissimo – Dw i’n hoffi bwyd o’r Eidal – sbageti … lasagne … tagliatelle … fetuccini … cannelloni … ravioli …
… a bwyd o Ffrainc
Ah, très bien – Coq au vin … bisque … foie gras … macarons ….
Llais
H-hm… Waw – bwyd o Gymru … ac o’r Eidal … ac o Ffrainc. Beth ydy’r bwyd, tybed?
CCC:
Dewch gyda fi.
PL:
Oh, là, là!, beth sy ar y bwrdd?
DATC:
Mamma mia, beth sy ar y bwrdd?
CCC:
Edrychwch –
Sbageti … lasagne … fetuccini … olew olewydd … gwin … orennau … tomatos … a … caws Grana Padano …. – O’R EIDAL …
Buonissimo! Fantastico! O dw i’n hoffi bwyd o’r Eidal.
DATC:
Buonissimo! Fantastico! O dw i’n hoffi bwyd o’r Eidal.
CCC:
Caws … gwin coch … perlysiau – herbs de Provence … mwstard a bara – O FFRAINC.
PL:
Très bien. C’est merveilleux … Oh, là, là! … a hefyd escargot …
CCC:
Beth?
PL:
Escargot … mal-wo-den.
CCC:
Malwoden? Ble?
O, na … na … NA! … Dyma Mali.
PL:
Mali?
DATC:
Mali?
CCC:
Mali malwoden – fy anifail lwcus. Dere ’ma, Mali fach.
A dyma’r bwyd o Gymru … llaeth … iogwrt … menyn … bara brith … cennin … tatws … dŵr … halen
PL:
Bwyd hyfryd.
DATC:
Bwyd blasus iawn. Blasusissimo.
PL"
Ydych chi’n barod?
CCC:
Ydw, dw i’n barod.
PL:
Beth ydy’r rysáit?
CCC:
Cennin Carwyn Claude.
PADC:
Cennin Carwyn Claude?
CCC
Cennin Carwyn Claude.
PL:
Iawn, dechreuwch.
CCC:
Menyn? Na, dw i ddim yn meddwl.
Bara brith? Na, dw i ddim yn meddwl.
Orennau? Na, dw i ddim yn meddwl.
Gwin coch? … Na, dw i ddim yn meddwl.
Mmm?
Rhaid cael …
Sbageti – o’r Eidal … a ... caws Grana Padano – o’r Eidal … a bara – o Ffrainc.
Mwstard – o Ffrainc.
Cennin – o Gymru … a halen – o Gymru.
PADC:
Sbageti ….Caws Grana Padano …?
PL:
… bara a mwstard o Ffrainc …?
PADC
… a cennin …?
PL:
A halen? … Oh, là, là! Beth mae e’n mynd i wneud?
PADC:
Dw i ddim yn gwybod! Mamma Mia!
CCC:
Rhaid troi’r gril ymlaen.
Rhaid torri’r bara.
Rhaid rhoi mwstard ar y bara.
Rhaid rhoi caws ar y bara.
Rhaid rhoi cennin ar y bara.
Rhaid rhoi sbageti ar y bara.
Rhaid rhoi’r bara yn y gril.
A dyna ni … blasus iawn!
DATC:
Bobl bach!
PL:
Mawredd mawr.
CCC:
Bon appétit!
