Dathlu ar draws y byd (2)

Dydd Nachos (America)

Ydych chi’n hoffi nachos – darnau o tortilla gyda sbeis neu gaws – blasus iawn!

Sut i ddathlu? Bwytwch nachos, trïwch ryseitiau newydd a mwynhewch!

Gŵyl y môr-ladron (Ynysoedd y Cayman)

Rhedwch! Mae’r môr-ladron yn dod ar long fawr! Rhedwch yn gyflym ... ond wedyn, mwynhewch y gerddoriaeth, y dawnsio, y gemau, y bwyd a’r ddiod, y carnifal, y chwaraeon a’r tân gwyllt. Hwyl! Hwyl! Hwyl!

Ffair Pushkar (India)

Pum deg mil (50,000) o gamelod a dau gan mil (200,000) o bobl yn mwynhau – dyna Ffair Pushkar. Yma, mae pobl yn prynu camelod ac yn mwynhau’r ffair, y chwaraeon a’r cystadlaethau, e.e. cystadleuaeth y mwstash gorau, cystadleuaeth gwneud twrban. Hefyd – reidiau camelod a chamelod yn rasio ac yn dawnsio.

Dydd Ysgrifennu Llythyrau (mewn sawl gwlad)

Beth am anfon llythyr at ffrind neu un o’r teulu (neu rywun dydych chi ddim wedi cyfarfod) yn lle anfon neges destun neu e-bost? Heddiw ydy Dydd Ysgrifennu Llythyrau, felly dechreuwch ...