Dim dathlu heno!
Yng Nghymru, dros y Nadolig a’r Flwyddyn Newydd, mae rhai pobl yn mynd o dŷ i dŷ yn cario’r Fari Lwyd – pen ceffyl (cardbord fel arfer!) gyda blanced wen a rhubanau ar y pen. Mae dyn yn cuddio o dan y flanced.
Maen nhw’n stopio tu allan i dŷ. Maen nhw’n canu pennill. Mae’r bobl yn y tŷ’n canu pennill. Mae criw y Fari Lwyd yn canu pennill arall. Mae’r bobl yn y tŷ’n canu pennill arall - ac eto - ac eto - ac yna mae criw’r Fari Lwyd yn mynd i mewn i’r tŷ ac mae parti mawr.
Yna, mae criw’r Fari Lwyd yn mynd i dŷ arall i ganu eto ac i gael parti arall.
Mae’n hwyl!
| Geirfa | |
| blanced wen | white blanket |
| cuddio | to hide |
| pennill | verse |
| criw | crew |
Dim dathlu heno!
Rwyt ti’n edrych ...
mor dawel
mor ddi-liw
mor drist
mor llonydd
yn pwyso ar wal y garej
tu ôl i’r bocsys a’r beiciau
a gwe pry cop rhwng dy glustiau.
Dim ffrindiau cyffrous!
Dim bwyd blasus!
Dim rhubanau lliwgar, llawen
ar dy gefn gwyn.
Dim hwyl!
Ond paid â phoeni ...
Cyn bo hir, byddi di eto
mor swnllyd
mor lliwgar
mor hapus
mor heini
yn cerdded o dŷ o dŷ
o flaen dy ffrindiau llawen
yn DATHLU!
Non ap Emlyn
Help| Geirfa | |
| mor | so |
| di-liw | colourless |
| pwyso | to lean |
| gwe pry cop | cobweb |
| clustiau | ears |
| llawen | jolly, merry |
| cefn | back |
| poeni | to worry |
| cyn bo hir | before long |
| o flaen | in front of |
