Ar y woc

Mae’n cŵl! Mae’n gyflym. Mae’n hwyl!

Beth ydy e? Rasio ar woc. Ie, rasio ar woc!

Fel arfer, mae pobl yn defnyddio wocs yn y gegin i wneud bwyd ond yn yr Almaen mae rhai pobl yn defnyddio wocs ar gyfer rasio.

Sut maen nhw’n rasio?

• Maen nhw’n eistedd ar y woc.
• Maen nhw’n rasio i lawr trac arbennig, e.e. trac bobsled.

Mae gwaelod y woc yn eitha crwn, felly mae’r bobl yn troelli ar y woc ac maen nhw’n bwrw i mewn i waliau’r trac weithiau.

Dillad

Mae rasio ar woc yn eitha peryglus. Felly, maen nhw’n gwisgo:

• helmed beic modur
• menig trwchus
• siaced drwchus
• padiau hoci.

Os ydych chi eisiau gweld rasio ar woc, cliciwch yma:

https://www.youtube.com/watch?v=18C-KK9l_Ec

https://www.youtube.com/watch?v=j5-FcE7_PzI