I gopa mynydd Kilimanjaro

Cyflwynydd:

Croeso i raglen arall o “Bobl bach!”.

Heddiw, yn y stiwdio, mae Ceri Pryce. Bore da, Ceri.

Ceri:

Bore da.

Cyflwynydd:

Pwy ydy Ceri Pryce?

Wel, mae hi wedi dringo mynydd Kilimanjaro, yn Affrica.

Pam?

I godi arian at achos da.

Croeso i’r stiwdio, Ceri.

Ceri:

Diolch yn fawr.

Cyflwynydd:

Pryd aethoch chi i fyny Kilimanjaro?

Ceri:

Ym mis Chwefror.

Cyflwynydd:

Pam Kilimanjaro?

Ceri:

Wel, dyma fynydd uchaf Affrica. Mae’r mynydd yn bum mil, wyth cant naw deg pump metr.

Cyflwynydd:

Wrth gwrs. … Sut oeddech chi wedi paratoi?

Ceri:

Roedden ni wedi bod yn cadw’n heini.

Cyflwynydd:

Cadw’n heini … sut?

Ceri:

Roedden ni wedi cerdded …

Cyflwynydd:

.. o, cerdded …

Ceri:

… ac roedden ni wedi beicio …

Cyflwynydd:

… beicio …

Ceri:

… ac roedden ni wedi bod yn ymarfer yn y ganolfan hamdden …

Cyflwynydd:

… ymarfer yn y ganolfan hamdden. Roeddech chi’n heini iawn, felly.

Ceri:

Wrth gwrs.

Cyflwynydd:

Beth oeddech chi wedi pacio?

Ceri:

Roedden ni wedi pacio esgidiau cerdded da – esgidiau cerdded cryf iawn – a dillad cerdded – trowsus da, fflîs, sanau cerdded da. Roeddwn i wedi pacio camera hefyd.

Cyflwynydd:

Sut oedd y daith i gopa Kilimanjaro?

Ceri:

Anodd – ond gwych!

Cyflwynydd:

Gwych?

Ceri:

Roedd sefyll ar gopa Kilimanjaro yn anhygoel – y profiad gorau yn y byd. Ffantastig!

Cyflwynydd:

“Ffantastig!” Da iawn ... Ceri, beth am wrando ar ddarn o gerddoriaeth … ac yna, byddwn ni’n dod yn ôl i siarad gyda chi eto.

Ceri:

Iawn.