Kung fu

Rwyt ti’n mynd i ddosbarth arbennig bob wythnos. Pa ddosbarth?

Dosbarth kung fu.

Beth wyt ti’n wneud yn y dosbarth?

Dw i’n dysgu sgiliau ymladd a dysgu sgiliau eraill.

O? Pa sgiliau?

Dw i’n dysgu bod yn bositif. Dw i’n dysgu sut i fihafio’n dda. Dw i’n dysgu sut i helpu pobl eraill. Dw i’n dysgu sut i weithio’n galed – ac mae hyn yn help yn yr ysgol. Dw i’n dysgu sut i fyw’n iach a sut i gadw’n heini.

Sut mae kung fu yn helpu i gadw’n heini?

Wel, dw i’n dysgu sgiliau ymladd ... Dw i’n dysgu sut i bwnsho, bwrw neu daro, cicio a sut i wneud symudiadau arbennig. Mae llawer o’r symudiadau fel symudiadau anifeiliaid.

Beth wyt ti’n wisgo i wneud kung fu?

Dw i’n gwisgo dillad coch ond mae rhai pobl yn gwisgo lliwiau eraill fel glas.

Wyt ti’n mwynhau?

Ydw. Dw i wrth fy modd yn gwneud kung fu achos mae’n ffordd dda o gadw’n heini ond hefyd mae kung fu yn hwyl – rydyn ni’n dysgu dawns y ddraig cyn y Flwyddyn Newydd Tsieineaidd bob blwyddyn ac rydyn ni’n perfformio’r ddawns yn y dre a hefyd dw i’n gwneud ffrindiau newydd yn y dosbarthiadau kung fu hefyd.

Ble wyt ti’n dysgu kung fu?

Yn y Ganolfan Hamdden.

Oes llawer o bobl ifanc yn mynd?

Mae tua un deg pump o bobl ifanc yn mynd bob wythnos. Mae pawb yn cael amser da ac mae pawb yn dysgu sgiliau pwysig.

Ydy hi’n bosib dysgu Kung fu yn yr ysgol?

Nac ydy ond hoffwn i ddysgu kung fu yn yr ysgol achos mae kung fu yn well na chwaraeon ysgol. Mae’n well gen i kung fu na chwarae pêl-droed neu nofio. Hoffwn i gael gwersi yn yr ysgol. Rhaid i ysgolion Cymru ddechrau dysgu kung fu.

Wel, Ceri, diolch yn fawr am siarad â fi.

Croeso.