Rasio yn Sir Benfro

Helo, bawb.

Dw i’n ysgrifennu atoch chi am ras arbennig iawn – Ras Dyn Haearn (Ironman) Cymru. Bydd y ras yn Ninbych-y-pysgod ym mis Medi.

Mae’n ras anodd iawn:

• nofio am 2.4 milltir
• beicio am 112 milltir
• rhedeg marathon am 26.2 milltir.

Mae’n ras hyfryd achos mae’n digwydd ym Mharc Cenedlaethol Arfordir Penfro (Pembrokeshire Coast National Park) ac mae’r parc yn hardd iawn.  

Mae’r ras yn dechrau am saith o’r gloch y bore ac yn gorffen am ddeg o’r gloch y nos, felly rhaid i fi weithio’n galed drwy’r dydd. Ond rhaid i fi weithio’n galed cyn y ras hefyd, achos rhaid i fi baratoi. 

Ydych chi’n gallu rhoi cyngor i fi os gwelwch yn dda? Beth ddylwn i wneud nawr? Beth ddylwn i wneud dros yr haf? Helpwch fi i baratoi os gwelwch yn dda.

Diolch yn fawr.

Sam Williams